المشاركات
اختيار المكنة
اختيار ماكينة الخياطة المناسبة
انا لسه بتعلم وعاوزه اشتري مكنة أجيب مكنة صغيرة اتعلم عليها وبعدين اجيب مكنة للشغل
الإجابة
لا هاتي المكنة اللي تستمري عليها و تحبابك في الخياطة مش مكنة تزهقك وتكرهك في الخياطة وللابد
ومن وقع سنين عمري اللي عشتها مع مكن الخياطة
احسن مكن هو المكن الصناعي بيفتح نفسك للخياطة والقعدة علي المكنة والقطعة اللي هتعدي عليها طول اليوم علي المكن المنزلي هتخلص في ساعة زمن علي المكن الصناعي
طب ايه احسن انوع المكن
الاجابة
الجاك...... الجوكي..... صن سير
كلهم حلوين
طب معايش اجيب مكن صناعي عشان غالي
هاتي مكن صناعي مستعمل احسن بكتير من المكن المنزلي
طب خايفة اجيب حاجة وتطلع وحشة
طب انتي ليه ناسية الاستخارة
ياجماعة قبل ماتعملي اي حاجة في حياتك لو رايحة مشوار ومش عارفة تروحيه ولا لا استخيري ربنا
الاستخاره هتفرق معكي كتير قوي والله
اخير اول مشوار حياتك متخديش شغل من حد حاجة مستعملة عشان تعدليها او تعملي ليه اعادت تدوير لان الحاجات دي بتزهق الناس اللي عندها خبرة وباع كبير في الخياطة ما بالك انتي وانتي لسه بتقولي ياهادي
ممكن الموضوع دا يهز ثقتك بنفسك وتفتكري انك فشلة ومش بتعرفي تخيطي
وربنا يوسع رزقكم وينولكم كل اللي في بالكم يارب
بحبكم في الله
ليست هناك تعليقات:
إرسال تعليق