المشاركات
مقالات
ازي نبداء مشروع
كلنا عندنا موهب وطاقات بس ساعات كتير مش بنستغلها
كل اللي انا فيه دا دلوقتي
كانت امنية وحلم حلمتوا زمان وانا صغيرة
اما عرفت ان العلماء هما ورثت الانبياء
وكنت باتمانه ان يكون عندي علم
وانشره واخد عليه حسنات
لان عارفت ان اللي بينشر علم بيفضل ياخد عليه حسنات حتي بعد مماته
بس كنت متخيلة ان العلم دا هو الكتب اللي بيكتبوا فيها اي علم وينشروه
واللي الناس متعرفوش
اني معايا دبلوم تجارة يعني مش شهادة عاليه ولا عملت دراسات ولا اخدت كورسات
كل اللي عندي موهبة
ربنا انعم عليا باللي احسن من الكتب انعم عليا بعلم ينتفع بيه الخياطة
والخياطة دي كانت هويتي وحبي ومتعتي من وانا صغيرة
بس اما كبرت
كانت في ستات حوليا
بتشتغل وسايبه ولادها الصغيرين طول النهار
متعرفش عنهم حاجة
وفي الاخر بتاخد مقابل
لا يساوي ابد وقتها اللي بتقضيه بعيد عن ولادها ولا المجهود اللي بتبذله
فقرارت اجمع كل الستات اللي نفسها تتعلم الخياطة
واعملهم كورس خياطة بالمجان
انا مش عاوزه حاجة
انا عاوزه بس اعلمهم حاجة يشتغلوها
وهما في بيتهم وسط ولادهم تجبلهم دخل وفي نفس الوقت تكون ولادهم امام عينهم
واعلنت عن الكورس
وفجأء لقيت اعداد كتيييير جدا عاوزه تحضر
وانا اصلا شغالة بالطريقة البلدي العادية خالص
ولا باترون ولا اي حاجة
قولت لنفسي انا لازم أحط قواعد وقوانين
واعمل باترون بس يكون سهل يوصل للست المتعلمة واللي متعلمتش براضوا
واعدت علي نفس اسبوع احول اظبط اللي حعلمهلهم واوصلهلم بطريقة سهلة
واقسم بعزة جلال الله
كانت بتجيلي افكار وطرق اعلم بيه ولا كانت تخطر علي بالي وباقل مجهود
ومش وخده بالي ان دي هي الامنية والحلم اللي كانت بحلمه
وان ده العلم اللي ينتفع بيه
وكان رد الفعل عمري في حياتي ما توقعتوا
وربنا انعم عليا بملكة توصيل المعلومة
مكنتش أتخيل انها موجودا عندي اصلا
عشان كده اوعوا تستقلوا بنفسكم ولا امنيتكم واحلمكم
وخلي عندكم ثقة في ربنا
ان اي خير عاوزه تعمليه ربنا حيسرهولك بس لازم تكون صدقين مع الله
من يصدق مع الله يصدقه
ربنا يحققلكم كل احلمكم وامالكم وكل اللي نفسكم فيه
جزاك الله خيرا وبارك فيك وجعله في ميزان حسناتك نفسي جدا اتعلم انا متابعة حضرتك بس الله المستعان اشتري ماكينة قريب وكنت بسال حضرتك عندي ماكينة سنجر السودة حماتي ربنا يبارك فيها ادتهاني بس لسه عايزة موتور وتتظبط حلوة اني لبدء بيها ولا اشتري حاجة جديدة وشكرا جدا لحضرتك واسفه عالاطالة
ردحذفابداىي بالمجود حبيبتي وربنا ييسرلك كل امر
حذفتسلمي ربنا يبارك ف حضرتك ويجازيك خير يارب
حذفياريت تنفيذ استايل السواريه الدرابيه علشان انا من الناس اللي مابتفهمش الا بالقص علي القماش ربنا يبارك فيكي تقدمنا كنتي سبب فيه
ردحذف